لنشر عملك بالمدونة Ahmedtoson200@yahoo.com



الاثنين، 9 يونيو 2014

"صاحبي خاصمني " قصيدة للأطفال بقلم: حسنات الحكيم



صاحبي خاصمني



حسنات الحكيم

رسوم: أحمد عبدالنعيم



صاحبي خاصمني  انا زعلان

هو يا ماما اللي غلطان



خد كراستي وشد ورقها

وجري .. وشخبطها بألوان



انا بعد ما شخبط كراستي

شخبطت ف كراسته كمان



زي ما هو غلط  صدقني

انت يا ابني اكيد غلطان



ليه بتخاصمه تعال وصالحه

اوعي تزعل يوم إنسان



هو يسامحك وأنت تسامحه

زي ما أمرتنا الأديان



واعرف حاجة مهمة يا ابني

أي تسامح من الايمان



لو منسيتش ف مرة نصيحتي

عمرك ما ح تصبح ندمان



البادئ بسلامه لصاحبه

هو الرابح والكسبان

ليست هناك تعليقات: