لنشر عملك بالمدونة Ahmedtoson200@yahoo.com



الخميس، 12 يونيو 2014

"قطتي مشمشة" قصيدة للأطفال بقلم: حسنات الحكيم



قطــتي مشمشة
حسنات الحكيم
رسوم: أحمد عبدالنعيم

قطتي مشمشة              جميلة ومدهشة
ويوماتي بتصحي بدري     نشيطة مفرفشة

لما أشاور وأنادي           عليها بابتسام
تجري وتقعد قصادي        بفرحة واهتمام

وتنونو بالسعادة           وتقرب من الضيوف
تتعلم كل مادا              ولا تعرف أي خوف
قطتي مشمشة

قطة وشجاعة جدا          وبترعب أي فار
ولا يهرب منها ابدا         ما بتعرفش الهزار

رياضية تنط نطة           وبتعمل اكروبات
وبأروع صوت لقطة       ولا احلي الأغنيات

دايما ألاعبها دايما         م الصبح للمسا
ولا ترضي تسيبني أبدا     ودي حاجة كويسة
قطتي مشمشة

شاطرة تحب النظافة         وتحافظ ع المكان
وبخفة ولطافة               بتنقر ع البيبان

تشرب تاكل وتشبع           وتحمد ربها
ومطيعة.. كلامي تسمع       والكل يحبها
قطتي مشمشة

ليست هناك تعليقات: