لنشر عملك بالمدونة Ahmedtoson200@yahoo.com



الجمعة، 4 مارس، 2011

" هلال وصليب" قصيدة للأطفال بقلم عبده الزراع

هلال وصليب
شعر: عبده الزراع
 
هلال وصليب 
وطن واحد
وايد ف الايد
بتتعاهد
على الفرحة 
وع الأحلام
هلال قايد 
نهار بكره
صليب جايب
معاه فكره
مسيحيه مع الأسلام
جرس وأدان
وحضن أمان
صباح وردى بقاله زمان
وخدنا معاه سوا لقدام
نحقق حلم 
ونبقى ف علم
ونرفع بايدنا راية السلم
ونتسابق مع الأيام
هلال وصليب
وحب كبير
علم مصرى معاه بنطير
وننسى فى فرحته الأوهام
قلوب نادره وبتحاول تفرقنا
ومش قادره
عشان مصر بتجمعنا
بقرآنا وانجليلنا 
نعيش ف سلام

ليست هناك تعليقات: